ເມື່ອການເປັນໄອດອລໃນວົງການ K-pop ເປັນພຽງເບື້ອງໜ້າ… ແຕ່ເບື້ອງຫຼັງຄືສະໜາມຮົບລະຫວ່າງ “ມະນຸດ” ກັບ “ຜີສາດ”
ທ່າມກາງເມືອງໃຫຍ່ທີ່ເຕັມໄປດ້ວຍແສງສີ ແລະ ສຽງດົນຕີ, ໃຜຈະຄິດວ່າໃນຍຸກນີ້ຈະມີຜີສາດທີ່ແຝງຕົວຢູ່ຮ່ວມກັບມະນຸດ. ກຸ່ມສິລະປິນສາວໃນວົງການ K-pop ທີ່ມີຊື່ສຽງຢ່າງ Rumi, Mira ແລະ Zoey ຕ້ອງໃຊ້ຊີວິດສອງແບບທີ່ເປັນທັງໄອດອລ ແລະ ນັກລ່າຜີສາດ ເຊິ່ງສາວໆມີໜ້າທີ່ປົກປ້ອງໂລກຈາກພະລັງງານແຫ່ງຄວາມມືດທີ່ຕ້ອງຜ່ານຄວາມເຈັບປວດ, ຄວາມຢ້ານ ແລະ ຈັງຫວະດົນຕີທີ່ເປັນພະລັງຂັບເຄື່ອນຈິດໃຈຂອງພວກເຂົາ.
ແຕ່ທີ່ຕ້ອງເຮັດໃຫ້ສາວໆຕົກໃຈເລີຍກໍຄືວົງບອຍແບນທີ່ກຳລັງມາແຮງຄຽງຄູ່ພວກເຂົານັ້ນແມ່ນຜີສາດທີ່ປອມຕົວມາດູດພະລັງງານຊີວິດຈາກແຟນຄລັບ, ດ້ວຍສະເໜ່ທີ່ຕ້ານບໍ່ໄດ້ ໃຊ້ຄວາມນິຍົມ, ພະລັງມືດເພື່ອຫຼອກລວງຜູ້ຄົນ, ຈຶ່ງເຮັດໃຫ້ແຟນເພງຫຼົງໃຫຼໃນຕົວສິລະປິນຊາຍກຸ່ມນີ້ໄດ້ງ່າຍ.
KPOP DEMON HUNTERS ຈາກ Netflix ແລະ Sony Pictures Animation (Spider-Man: Across the Spider-Verse) ທີ່ຮ່ວມກັນສ້າງ. ເອນິເມຊັ່ນນີ້ຈະເປັນແນວຕໍ່ສູ້-ແຟນຕາຊີ ໃຫ້ຄົນເບິ່ງຮູ້ສຶກມ່ວນຊື່ນໄດ້ຮ່ວມຜ່ານປະສົບການໃນການຜະຈົນໄພໄປກັບວົງການ K-pop ພ້ອມດ້ວຍເພງໃໝ່ທີ່ສ້າງຂຶ້ນ, ພິເສດເພງປະກອບໃນເອນິເມຊັ່ນນີ້ ໄດ້ Jeongyeon, Jihyo ແລະ Chaeyoung ຈາກ TWICE ມາຮ້ອງ.
ເບິ່ງ KPOP DEMON HUNTERS ພ້ອມກັນ ວັນທີ 20 ມິຖຸນາ 2025 ໃນ Netflix.
