ເປັນນັກຮ້ອງທີ່ເປັນຄົນລາວ ແຕ່ເນື້ອເພງຂອງລາວມັກມີພາສາອັງກິດມານຳ ແຕ່ລາວຊໍ້າພັດຢູ່ໃນສັງກັດຢູ່ໄທ ເອະ? ລາວຄົນນີ້ບໍ່ແມ່ນໃຜ ແຕ່ເປັນໜຸຸ່ມ JUST” ທີ່ໃນເທື່ອນີ້ລາວກັບມາພ້ອມກັບເພງໃໝ່ຂອງລາວ Loner ເຊິ່ງເປັນການ feature ກັບ Fruity Lao Jazzanova.
ຜົນງານເພງຂອງລາວຍັງຄົງກິ່ນອາຍຂອງຄວາມເປັນ JUST” ທີ່ຟັງງ່າຍໆ ສະບາຍໆ ແບບ R&B ປະສົມຄວາມເປັນ Jazz ໂດຍສະເພາະໃນສ່ວນຂອງກີຕາທີ່ໄດ້ຈາກການຮ່ວມງານກັບ Fruity Lao Jazzanova.
ເນື້ອໃນຂອງເພງນີ້ຈະເວົ້າເຖິງຄວາມຮູ້ສຶກຂອງຄົນທີ່ມັກຢູ່ຄົນດຽວ, ບໍ່ຢາກເຂົ້າສັງຄົມຫຼາຍ, ແລະຮູ້ສຶກສະບາຍໃຈກັບການເປັນ “Loner” (ຜູ້ໂດດດ່ຽວ ຫຼື ຄົນມັກຢູ່ຄົນດຽວ) ເຊິ່ງສະແດງອອກໃນເນື້ອເພງວ່າໂຕເອງ ມີຄົນທີ່ສົນໃຈ ຫຼື ຢາກໄປເຮັດນັ້ນນີ້ນຳ ແຕ່ບໍ່ແຮງທີ່ຈະລຸກຈາກຕຽງ, ການທີ່ສັບສົນໃນຄວາມຮູ້ສຶກຕໍ່ຄວາມຮັກ ທີ່ໂຕເອງຮູ້ສຶກດີ ແຕ່ຢາກໜີໄປ ເພາະບໍ່ເຂົ້າໃຈວ່າອີກຝ່າຍຮູ້ສຶກຫຍັງ ຫຼື ຈະເປັນການທີ່ເຫັນວ່າໂຕເອງຍັງຢູ່ບ່ອນເກົ່າ ໃນຂະນະທີ່ຫຼາຍໆຄົນອ້ອມໂຕຕ່າງກໍມີຄວາມຮັກກັນໝົດ. ແຕ່ສຸດທ້າຍແລ້ວ ການທີ່ລາວໂດດດ່ຽວກໍບໍ່ໄດ້ເປັນບັນຫາ ເພາະນັ້ນຄືຄວາມສຸກໃຈທີ່ເລືອກເອງ.
ກໍລອງໄປຟັງ ກັນເບິ່ງໄດ້ ວ່າເພງນີ້ຈະຖືກເສັ້ນຊາວຂີ້ເຫງົາ ມັກຢູ່ຄົນດຽວຄືໝູ່ເຮົາເຈົ້າຂ້ອຍບໍ່?
