ໄວ້ອາໄລໃຫ້ກັບຄວາມຮັກເພື່ອບອກລາຄວາມເສົ້າ ຊວນແຕ່ງ Black Outfit ໃນ Sunday night ກັບເພງ BLACK SUNDAY
ການລວມຕົວໃນຄັ້ງນີ້ເຮັດໃຫ້ແຟນເພງຕື່ນເຕັ້ນກັນເພາະ HUENCREW, VVIIV, DeeRoc, Luh Wvn, lilpaper, sumt1me, D1Zzzy, Jefff, LexNoLex, Horlock, trusj ທີ່ໄດ້ມາຮ່ວມຮ້ອງເພງດ້ວຍກັນຢ່າງເພງ “BLACK SUNDAY”.
ເພງ BLACK SUNDAY ໄດ້ເປັນການບອກເລົ່າເຖິງຄວາມຜິດຫວັງ ແລະ ຄວາມເຈັບປວດທີ່ເກີດຂື້ນໃນຄວາມສຳພັນທີ່ບໍ່ມີທາງທີ່ຈະຄືນດີ ຫຼື ກັບມາໄດ້. ເນຶ້ອເພງເລີ່ມຕົ້ນໄດ້ເລົ່າເຖິງການຍອມຮັບການເລີກລາຈົບຄວາມສຳພັນ ແລະ ການທີ່ຕ້ອງແຍກຍ້າຍກັນໄປເຖິງຈະມີຄວາມຜູກພັນຕໍ່ກັນຢູ່ກໍຕາມ.
ໃນເນື້ອເພງຈະມີຄຳວ່າ “Black Outfit” ແລະ “Sunday night” ໄດ້ຖືກນຳມາໃຊ້ໃນຄວາມໝາຍຂອງຄວາມຮູ້ສຶກທີ່ສູນເສຍ ເຊິ່ງອາດຈະໝາຍເຖິງການປຽບທຽບປະລິມານຂອງຄວາມເສົ້າເສຍໃຈທີ່ມີ ແລະ ການແຕ່ງກາຍດ້ວຍຊຸດສີດຳກໍຍັງເປັນສັນຍາລັກຂອງການໄວ້ອາໄລໃນຄວາມຮັກຄັ້ງນີ້ ແລະ ເປັນການຮັບຮູ້ວ່າໃນທ້າຍສຸດບໍ່ມີຫຍັງທີ່ຈະສາມາດເຮັດໃຫ້ຄວາມຮັກຄັ້ງນີ້ກັບຄືນໄດ້.
ໃນແຕ່ລະ Verse ທີ່ນັກຮ້ອງແຕ່ລະຄົນໄດ້ມາຮ້ອງເພື່ອບອກເລົ່າເລື່ອງລາວກໍໄດ້ເວົ້າການໄດ້ຮັບຜົນກະທົບຂອງຄວາມຮັກໃນຮູບແບບຕ່າງໆ, ທັງຄວາມຜິດຫວັງ ແລະ ຄວາມເຈັບປວດທີ່ເຮັດໃຫ້ຄົນຜູ້ໜຶ່ງຮູ້ສຶກເສຍໃຈທີ່ຕ້ອງປົດປ່ອຍອີກຝ່າຍໄປ. ຄວາມຫວັງທີ່ຈະຄືນຄວາມສຳພັນກັບຄືນຫຼັງຈາກທີ່ເກີດຄວາມຜິດຫວັງ ແລະ ຄວາມຮູ້ສຶກເສຍດາຍທີ່ໄດ້ຖືກຕອບໂຕ້ດ້ວຍຄວາມຂົມຂືນເພາະຄວາມຮັກໄດ້ຈົບລົງໄປແລ້ວ.
ຮູບພາບຈາກ IG: x_x_x_vviiv
ໃນເອັມວີເພງໄດ້ເຮັດເປັນໂທນພາບຂາວດຳທີ່ໄດ້ສະແດງໃຫ້ເຫັນຊັດເຈນວ່າແຕ່ລະຄົນນັ້ນກໍລ້ວນຜ່ານຄວາມເຈັບປວດມາ ແລະ ໃນ Sunday ກໍໄດ້ແຕ່ງ Black Outfit ມາລວມຕົວກັນ Party ເພື່ອແຊຣ໌ບອກເລົ່າໃຫ້ໝູ່ຟັງ.
ໂດຍ: ທີມບັນນາທິການ Muan