ຝົນຕົກ-ບໍ່ຢ້ານປຽກ 3 ແອັບຮິດ ວາງແຜນການເດີນທາງ ຮັບມືສະພາບອາກາດ
ກ້າວເຂົ້າສູ່ລະດູຝົນກັນແບບເຕັມຕົວແລ້ວ ແລະ ພວກເຮົາຈະເຮັດແນວໃດເພື່ອຫຼີກລ້ຽງບໍ່ໃຫ້ຕົວເອງປຽກຝົນເວລາອອກໄປທາງນອກ ເພາະການຕາກຝົນມັນກໍຈະມັກມາພ້ອມກັບອາການບໍ່ສະບາຍໂລດ. ມື້ນີ້ ກອັດຈິ ເລີຍນຳ 3 ແອັບພລິເຄຊັນເຊັກສະພາບອາກາດຍອດຮິດທີ່ຄວນມີຕິດໄວ້ໃນໂທລະສັບມາຝາກທຸກຄົນ.
ການມີແອັບທີ່ສາມາດເຊັກສະພາບອາກາດໄວ້ຕິດໂທລະສັບມັນກໍຈະຊ່ວຍໃຫ້ພວກເຮົາວາງແຜນຊີວິດປະຈຳວັນໄດ້ງ່າຍສະບາຍຂຶ້ນ, ພ້ອມຮັບມືກັບທຸກສະພາບອາກາດ ບໍ່ວ່າຈະເປັນການເດີນທາງໄປຮຽນ, ເຮັດວຽກ, ການໄປນັ່ງຊິລຢູ່ຄາເຟ່, ຖ່າຍຮູບ ຫຼື ການອອກທຣິບນອກເມືອງ.
ຖ້າພ້ອມຮັບມືລະດູຝົນແລ້ວກໍດາວໂຫຼດແອັບເຫຼົ່ານີ້ໄດ້ເລີຍ ມີໃຫ້ດາວໂຫຼດທັງໃນ App Store ແລະ Google Play.
Windy.com – Weather & Radar
ເປັນແອັບທີ່ເໝາະກັບຄົນທີ່ຢາກວາງແຜນການເດີນທາງໄກ, ການຂີ່ລົດຈັກ ຫຼື ການເຮັດຄອນເທັນກາງແຈ້ງ, ມີຟີເຈີຣ໌ແຜນທີ່ບອກສະພາບອາກາດ ແລະ ຈຸດເດັ່ນທີ່ແອັບມີການສະແດງພາບເຣດາເປັນພາບຝົນຕົກ – ລົມແບບ Real time ແລະ ເມກຢ່າງລະອຽດ.
AccuWeather Weather Forecast
ເປັນແອັບທີ່ບອກສະພາບອາກາດແບບ Real-Tim ມີຟີເຈີຣ໌ພິເສດ Minute Cast™ ສຳລັບການອັບເດດແຈ້ງເຕືອນປະລິມານນ້ຳຝົນແບບນາທີຕໍ່ນາທີ. ຈຸດເດັ່ນຄືການບອກສະພາບອາກາດພ້ອມແຈ້ງເຕືອນຝົນຕົກສະເພາະພື້ນທີ່ໄດ້ດີ ເຊິ່ງແອັບນີ້ເໝາະກັບການກວດເບີ່ງທຸກມື້ກ່ອນອອກນອກເຮືອນ.
Weather
ເປັນແອັບພະຍາກອນອາການຟຣີທີ່ມີຟີເຈີຣ໌ຄົບເຄື່ອງທັງການບອກສະພາບອາກາດໃນພື້ນທີ່, ມີແຜນທີ່ອາກາດ, ອັບເດດສະພາບອາກາດເປັນລາຍຊົ່ວໂມງ ແລະ ລາຍວັນ. ຈຸດເດັ່ນແມ່ນຂໍ້ມູນຄົບຖ້ວນທັງຝົນ, ອຸນຫະພູມ, ດັດຊະນີ UV ແລະ ມົນລະພິດ ແລະ ແອັບນີ້ຍັງເໝາະກັບຄົນທີ່ເປັນພູມແພ້ ຫຼື ການວັດຄ່າຝຸ່ນ PM 2.5
ເຄັດລັບເສີມໃນລະດູຝົນ
1. ເປີດການແຈ້ງເຕືອນຝົນຕົກໄວ້ລ່ວງໜ້າໃນແອັບ
2. ໃຊ້ວິດເຈັດໜ້າຈໍເພື່ອເບິ່ງພະຍາກອນແບບໄວໆ ທັນໃຈ
3. ຖ້າມີແຜນເດີນທາງໄກໃຫ້ໃຊ້ແອັບ Windy ຄູ່ກັບ Google Maps ເພື່ອເບິ່ງເສັ້ນທາງຫຼີກເວັ້ນຝົນຕົກໜັກ
4. ກຽມອຸປະກອນກັນປຽກຝົນໄວ້ສະເໝີ ໂດຍການກຽມຄັນຮົ່ມຂະໜາດນ້ອຍ ຫຼື ເສື້ອກັນຝົນໄວ້ຕິດໃນກະເປົາສຳລັບສະພາບຝົນທີ່ອາດຕົກແບບບໍ່ຄາດຄິດ