ວາເລັນໄທນ໌ທີ່ແສນເສົ້າ ດອກໄມ້ໃນມືບໍ່ມີຄ່າຫຍັງຖ້າບໍ່ມີຄົນໃຫ້ ເພງໃໝ່ຈາກ Tongflow11
21 February 2025● 272
ຫຼັງຈາກທີ່ຫ່າງກັນໄປເກືອບເຄິ່ງປີ Tongflow11 ແຣັປເປີໂດດເດັນໃນເລື່ອງໂຟຼໃນການແຣັປທີ່ກິນໃຈ, ໜຶ່ງໃນສາມະຊິກ HuenCrew ກໍໄດ້ກັບມາພ້ອມສົ່ງເພງໃໝ່ທີ່ແສນເສົ້າປະສົມຄວາມເຫງົາຢ່າງເພງ “ດອກໄມ້ໃນມື ຫຼື Lost flowers”. ການກັບມາຄັ້ງມານີ້ມາພ້ອມເພງທີ່ຈະມອບຄວາມດຳດິ່ງສູ່ຄວາມເສົ້າ “ດອກໄມ້ໃນມື” ກັບແນວເພງ R&B Hip-Hop ທີ່ມອບຄວາມເປັນ Sad Boy ທີ່ເຂົ້າກັນໄດ້ດີ.
“ດອກໄມ້ໃນມື” ບໍ່ໄດ້ເປັນພຽງເພງເສົ້າແຕ່ເປັນສຽງສະທ້ອນຂອງຄວາມຮູ້ສຶກຂອງການຖືກຖິ້ມ, ເມື່ອຄວາມຮັກບໍ່ມີຄ່າກໍປຽບເໝືອນດອກໄມ້ທີ່ບໍ່ມີຄວາມໝາຍຖ້າຫາກບໍ່ມີຄົນທີ່ຢາກຈະມອບໃຫ້.
ໃນເອັມວີເພງໄດ້ເລົ່າໃຫ້ເຫັນພາບວ່າ Tongflow11 ໄດ້ນຶກເຖິງວັນວານທີ່ເຄີຍມີໃຜຢູ່ຂ້າງໆ, ການຕ້ອງມາຢູ່ຄົນດຽວແບບໂດດດ່ຽວ, ຄິດຮອດຄົນຮັກທີ່ຕອນນີ້ບໍ່ໄດ້ຢູ່ນຳກັນແລ້ວ, ຕໍ່ໃຫ້ພ້ອມປ່ຽນແປງເພື່ອໃຫ້ເຂົາກັບມາ ແຕ່ສຸດທ້າຍກໍຕ້ອງທຳໃຈ ແລະ ປ່ອຍມືໄປ.
ໂດຍ: ທີມບັນນາທິການ Muan