ຟັງເພງຂອງ Saluna “ຖຽງນານ້ອຍຄອຍຊາຍ” ໄດ້ Coya ແຣັບເປີຈາກອາເມຣິກາ ມາຮ່ວມຮ້ອງ
ເພງ Waiting ຫຼື ຖຽງນານ້ອຍຄອຍຊາຍ ຈາກ Saluna Ft. CØYA ເປັນເພງທີ່ເວົ້າເຖິງຄວາມຮັກຂອງສາວລາວຄົນໜຶ່ງທີ່ຍັງໝັ້ນຄົງໃນຮັກ ແລະ ຍັງລໍຖ້າຄົນຮັກຂອງລາວເປັນເວລາດົນເຖິງ 3 ປີ, ຢູ່ໃນໃຈຂອງລາວຍັງຄົງຄິດຮອດເວລາທີ່ໄດ້ໃຊ້ຮ່ວມກັນ ແລະ ນຶກເຖິງສັນຍາທີ່ຄົນຮັກໃຫ້ໄວ້.
ແນວເພງກໍຈະແມ່ນການຮ້ອງ ແລະ ແຣັບທີ່ຜະສົມສຽງເພງພື້ນເມືອງລາວ ແລະ ຈັງຫວະ EDM. ເຮັດໃຫ້ເພງນັ້ນມີຄວາມແປກໃໝ່ໜ້າສົນໃຈ ແລະ ມີສະເໜ່.
Saluna ເປັນແຣັບເປີສາວລາວພຽງໜຶ່ງດຽວຈາກຄ້າຍເພງ Highbros Entertainment ແລະ ພິເສດໄປກວ່ານັ້ນແມ່ນໄດ້ນັກຮ້ອງແຣັບເປີໜ້າໃໝ່ຈາກອາເມຣິກາຢ່າງ CØYA ມາຮ່ວມຮ້ອງ ແລະ ຮ່ວມຖ່າຍທຳໃນເອັມວີເພງເພື່ອຖ່າຍທອດເລື່ອງລາວຄວາມຮັກອອກມາໃຫ້ເຮົາຮູ້ສຶກຮ່ວມໄປກັບເຂົາທັງສອງຄົນ.
ສະຖານທີ່ຖ່າຍທຳທັງສອງແຫ່ງກໍແມ່ນ ວັງວຽງ ແລະ ເມືອງເຟືອງ ແຂວງວຽງຈັນ, ໃນເອັມວີແມ່ນໃຫ້ຄວາມຮູ້ສຶກຄິດຮອດບັນຍາກາດທີ່ມີທໍາມະຊາດສວຍງາມ ແລະ ຍັງມີສະຖານທີ່ທ່ອງທ່ຽວທີ່ມີເອກະລັກດຶງດູດໃຈເຊັ່ນ: ຮ້ານບຣາທີ່ມາພ້ອມກັບແສງສີສຽງມີກິ່ນອາຍຂອງເອເຊຍ ແລະ ຕາເວັນຕົກ.
ມີໃຜໄດ້ລອງຟັງກັນແລ້ວຫຼືຍັງ? ເພງລາວສະໄຕລແຣັບທີ່ມີທຳນອງ ແລະ ເນື້ອຮ້ອງດີແບບນີ້ໃຫ້ເຮົາໄດ້ຮ້ອງຕາມໄດ້ງ່າຍໆ. ມ່ວນເລີຍນຳເນື້ອຮ້ອງບາງສ່ວນມາແບ່ງປັນໃຫ້ທຸກຄົນກັນ.
ເນື້ອຮ້ອງບາງສ່ວນຈາກເພງ Waiting ຫຼື ຖຽງນານ້ອຍຄອຍຊາຍ
“ຜ່ານເນີນນານເປັນປີບໍ່ມີແມ້ຈົດໝາຍ
ຍັງຮັກອ້າຍຄົນດີ ແລະ ຊິຮັກໄປຈົນຕາຍ
ຖຽງນາຍັງຖ້າຄອຍໃຫ້ຊາຍນັ້ນກັບມາ
ຢ່າປ່ອຍໃຫ້ກິນນ້ຳຕາ ຈົນມື້ທີ່ນາງນັ້ນຂາດໃຈ”
ໂດຍ: ທີມບັນນາທິການ Muan