ຊວນຕັດຂາດຈາກຄົນມັກນອກໃຈ ດ້ວຍເພງ “ອ້າວ” ຂອງ TAIY AKARD
ຄວາມສໍາພັນໃດທີ່ມັນທໍາຮ້າຍຮ່າງກາຍ ແລະ ຈິດໃຈເຮົາລ້ວນແຕ່ເປັນວາມສໍາພັນ Toxic… ເພງ ອ້າວ – Out ຂອງ TAIY AKARD ຈະພາທຸກຄົນໄປສໍາຜັດເຖິງຄວາມສຸກ ແລະ ຄວາມອິດສະຫຼະ ຂອງການພາຕົວເອງອອກມາຈາກຄົນທີ່ເປັນພິດ.
“ເຄີຍຄິດວ່າຄວາມຮັກ ບໍ່ມີເຈົ້າແລ້ວຫົວໃຈຂ້ອຍຕ້ອງແຕກສະຫຼາຍ ຖ້າບໍ່ມີເຈົ້າຊີວິດຄົງໝົດຄວາມໝາຍ” ທ່ອນນີ້ໄດ້ອະທິບາຍເຖິງຄວາມຮູ້ສຶກຂອງຄົນທີ່ຢ້ານ ແລະ ບໍ່ກ້າປ່ອຍຄົນທີ່ທໍາຮ້າຍຈິດໃຈໄປເພາະກັງວົນວ່າຕົວເອງຈະຢູ່ບໍ່ໄດ້ເມື່ອບໍ່ມີເຂົາ.
ແຕ່ພໍມາຮອດມື້ໜຶ່ງ, ຕົວເອງພັດຖືກຖິ້ມ ແລະ ເຂົາກໍໄປຢູ່ກັບຄົນໃໝ່ເຊິ່ງໃນເວລາທີ່ເຮົາໄດ້ກັບມາຢູ່ຄົນດຽວນີ້ກໍເຮັດໃຫ້ເຮົາຄິດໄດ້ວ່າ “ອ້າວ…. ນີ້ມັນດີກ່ວາ ຕອນເຮົາຮັກກັນ. ມັນດີກ່ວາຕອນມີເຈົ້ານັ້ນຢູ່ດ້ວຍຊໍ້າ”
ທ່ອນຮຸກຂອງເພງ ອ້າວ ໄດ້ເລົ່າຄວາມຮູ້ສຶກຂອງຕົວລະຄອນຫຼັກວ່າ “ຕອນບໍ່ມີ້ເຂົາ ຊີວິດເຮົາມີຄວາມສຸກກວ່າ”
ໃຜທີ່ເຄີຍຢູ່ໃນຄວາມສໍາພັນທີ່ເປັນພິດຈະເຂົ້າໃຈເພງນີ້ໄດ້ດີ ແລະ ໃຜທີ່ຍັງຢູ່ໃນຄວາມສໍາພັນນີ້ຢູ່ ເພງ ອ້າວ ອາດຊ່ວຍໃຫ້ເພິ່ນກ້າຕັດຂາດຈາກມັນ
ໂດຍ: ທີມບັນນາທິການ Muan