ເຄີຍມີ Moment ທີ່ຮູ້ສຶກວ່າ ໂຕເອງເກັ່ງ ແຕ່ບໍ່ມີໃຜເຫັນຄ່າ ບໍ່? ນັ້ນແຫຼະຄືສິ່ງທີ່ ສັງສິນໄຊ ວີລະບຸລຸດເບີໜຶ່ງຂອງລາວເຮົາຕ້ອງເຈິ.

ເລື່ອງລາວມັນເລີ່ມມາຈາກການທີ່ລາວເກີດມາພ້ອມ ດາບ ແລະ ທະນູຄຳ ຕິດໂຕມາແຕ່ເກີດ ຄືກັບ Character ໃນເກມທີ່ມີ Skill ເທບຕັ້ງແຕ່ Level 1. ແຕ່ພັດຖືກສັງຄົມ (ແລະ ພວກປ້າໆສະໜົມ) ຕັດສິນວ່າລາວຄື ຕົວກາລະກິນີ ຈົນຖືກເນລະເທດໄປຢູ່ປ່າກັບແມ່ ແລະ ອ້າຍທີ່ເປັນຫອຍສັງ. ນີ້ຄືຈຸດເລີ່ມຕົ້ນຂອງການປະຈົນໄພທີ່ເຕັມໄປດ້ວຍຄວາມດຣາມ່າ, ການພິສູດໂຕເອງ ແລະ ບົດຮຽນຊີວິດທີ່ຍັງທັນສະໄໝຢູ່ສະເໝີ.

ຄວາມພິເສດຂອງ ລະຄອນເວທີເຕັ້ນ ສັງສິນໄຊ ໃນງານ UYD (Lao Youth Festival) ປີນີ້ ແມ່ນການທີ່ທີມງານ Fanglao ຈັບເອົາວັນນະຄະດີທີ່ເຮົາເຄີຍຟັງຕອນເດັກນ້ອຍ ມາ Re-brand ໃໝ່ໃຫ້ກາຍເປັນລະຄອນເວທີເຕັ້ນ (Dance Theatre) ທີ່ແສນຈະ Contemporary.

ທຸກຄົນຈະໄດ້ເຫັນການເດີນທາງຜ່ານດ່ານສຸດໂຫດ ບໍ່ວ່າຈະເປັນການປາບຍັກ, ສູ້ກັບພະຍານາກ ຫຼື ການໄປຊ່ວຍອາສຸມຸນທາ ທີ່ຖືກຖ່າຍທອດຜ່ານ ພາສາຮ່າງກາຍ ແລະ ທ່ວງທ່າການເຕັ້ນທີ່ສວຍງາມ. ມັນຄືການພິສູດໃຫ້ເຫັນວ່າ ສິລະປະລາວເຮົາກໍເທ້ ແລະ ສາກົນໄດ້ ໂດຍບໍ່ຕ້ອງມີຄຳບັນຍາຍໃດໆ.

ແຕ່ແນ່ນອນວ່າ “ຄວາມຈິງມັນບໍ່ມີວັນຕາຍ”, ສັງສິນໄຊລອດຊີວິດມາໄດ້ ແລະ ກັບມາທວງຄວາມຍຸຕິທຳຄືນຢ່າງຍິ່ງໃຫຍ່. ການສະແດງນີ້ຈະເຮັດໃຫ້ເຈົ້າຮູ້ສຶກວ່າ ມັນກໍຄ້າຍໆບາງມຸມຂອງຊີວິດເຮົາ ທີ່ຕ້ອງຜ່ານຜ່າທັງຄວາມອິດສາ ແລະ ການທໍລະຍົດ ກ່ອນຈະປະສົບຄວາມສຳເລັດ.