NotebookLM: ແອັບ AI ສະຫຼຸບບັນທຶກ ແລະ ສ້າງ Podcast ສຽງເວົ້າຄືມະນຸດ

NotebookLM ເຄື່ອງມືສຸດລໍ້າຈາກ Google ທີ່ຊ່ວຍສະຫຼຸບຂໍ້ມູນ ແລະ ສ້າງສຽງເວົ້າຈາກ Note (ຈົດບັນທຶກ) ໃຫ້ກາຍເປັນ Podcast ທີ່ຟັງໄດ້ເປັນທຳມະຊາດ ແລະ ບໍ່ໄດ້ເປັນພຽງແອັບສະຫຼຸບ Note ທຳມະດາ ແຕ່ມັນຄືຜູ້ຊ່ວຍສ່ວນຕົວທີ່ສາມາດປ່ຽນຂໍ້ມູນຂອງເຮົາໃຫ້ກາຍເປັນເນື້ອຫາທີ່ຟັງໄດ້, ຊ່ວຍປະຢັດເວລາ, ເພີ່ມປະສິດທິພາບໃນການຮຽນ ຫຼື ການເຮັດວຽກໄດ້ຢ່າງດີເລີດ. ມື້ນີ້ເຮົາມາເບິ່ງກັນວ່າ ແອັບ NotebookLM ນີ້ຈະມີຄວາມສາມາດພິເສດ ແລະ ສະຫຼາດໃນການໃຊ້ງານແນວໃດແດ່.

ຈຸດເດັ່ນທີ່ໜ້າສົນໃຈຂອງ NotebookLM

• ສະຫຼຸບຂໍ້ມູນໄດ້ຢ່າງຄົບຖ້ວນ (Audio Overviews): ສາມາດອັບໂຫຼດເອກະສານ, ບົດບັນທຶກຫຼື ຂໍ້ມູນຕ່າງໆ ເຂົ້າໄປໃນແອັບ, ແລ້ວ NotebookLM ຈະສະຫຼຸບເນື້ອຫາທີ່ສຳຄັນໃຫ້ຢ່າງລະອຽດ ເຮັດໃຫ້ເຂົ້າໃຈງ່າຍຂຶ້ນໂດຍບໍ່ຕ້ອງອ່ານເອກະສານຍາວໆ.
• ສ້າງສຽງເວົ້າແບບ Podcast: ນີ້ຄືຈຸດທີ່ໂດດເດັ່ນທີ່ໜ້າສົນໃຈທີ່ສຸດ ເພາະ AI ສາມາດປ່ຽນຂໍ້ຄວາມຈາກ Note ຂອງໃຫ້ກາຍເປັນສຽງເວົ້າທີ່ເປັນທຳມະຊາດຄືກັບມີນັກຈັດລາຍການ Podcast ມືອາຊີບ ຊາຍ-ຍິງ ມາເລົ່າໃຫ້ຟັງ. ເຮົາສາມາດສ້າງ Podcast ສ່ວນຕົວຈາກບົດຮຽນ ຫຼື ບົດບັນທຶກໄດ້ຢ່າງງ່າຍດາຍ.
• ການເຊື່ອມໂຍງຂໍ້ມູນອັດຕະໂນມັດ: NotebookLM ມີຄວາມສາມາດໃນການເຊື່ອມຕໍ່ຂໍ້ມູນທີ່ກ່ຽວຂ້ອງໃນເອກະສານຂອງເຮົາ, ເຮັດໃຫ້ເຫັນພາບລວມ ແລະ ຄວາມສຳພັນຂອງຂໍ້ມູນໄດ້ດີຂຶ້ນ ເໝາະສຳລັບການເຮັດໂຄງການ ຫຼື ການຄົ້ນຄວ້າ.
• ໃຊ້ງານໄດ້ງ່າຍຂຶ້ນ: ດ້ວຍການປັບປຸງໃນເວີຊັນຫຼ້າສຸດໃຫ້ໃຊ້ງານງ່າຍດ້ວຍໂຄງສ້າງສາມສ່ວນຄື Source, Chat, Studio ຊ່ວຍໃຫ້ຈັດການແຫຼ່ງຂໍ້ມູນ, ສົນທະນາກັບ AI ແລະ ສ້າງເນື້ອຫາໃໝ່ໄດ້ສະດວກຍິ່ງຂຶ້ນ. ນອກຈາກນີ້, ແອັບກໍມີໜ້າຕາທີ່ໃຊ້ງານງ່າຍຂຶ້ນ ເໝາະກັບການໃຊ້ງານໃນມືຖືທີ່ເຮັດໃຫ້ສາມາດເຮັດວຽກໄດ້ທຸກທີ່ທຸກເວລາ.
• ສາມາດໂຕ້ຕອບກັບຂໍ້ຄວາມ AI (ຖາມ-ຕອບ): ສາມາດປັບແຕ່ງການສົນທະນາ (Chat) ເພື່ອຖາມແບບເຈາະເລິກ ຫຼື ກຳນົດທິດທາງການນຳສະເໜີເນື້ອຫາໄດ້ຕາມຕ້ອງການເຊັ່ນ ການປັບໂຟກັສ (Focus)ໄປທີ່ສ່ວນໃດສ່ວນໜຶ່ງຂອງເອກະສານ.
• ຮອງຮັບພາສາໄດ້ຫຼາຍກວ່າ 70 ພາສາ: ມີຟີເຈີ Discover Sources ທີ່ຊ່ວຍຄົ້ນຫາ ແລະ ສະຫຼຸບແຫຼ່ງຂໍ້ມູນຈາກເວັບຕາມຫົວຂໍ້ທີ່ຜູ້ໃຊ້ສົນໃຈ.

ສິ່ງທີ່ຮູ້ສຶກວ່າຍັງຫຍຸ້ງຍາກ

• ໃຊ້ເວລາໃນການປະມວນຜົນດົນເຖິງ 10 ນາທີ.
• ແອັບຍັງບໍ່ຮອງຮັບສຽງເປັນພາສາລາວ.
• ແອັບມັກຄ້າງຍັງໃຊ້ງານບໍ່ຫຼຽນໄຫຼຕາມທີ່ Claim ໄວ້.
• ມີຟີເຈີຣທີ່ໜ້າສົນໃຈຫຼາຍຢ່າງແຕ່ຍັງທົດລອງໃຊ້ບໍ່ຄົບ ເພາະຖືກຈຳກັດການໃຊ້ງານ (ສຳລັບຜູ້ທີ່ໃຊ້ງານຟຣີ)

ທຸກຄົນສາມາດດາວໂຫຼດໃນ Google Play Store ແລະ App Store ໄດ້ແລ້ວເດີ.