MVIIZ ກັບມາແລ້ວ! ປ່ອຍເພງໃໝ່ສຸດຊຶ້ງ “ສຳຄັນຕົວເອງຜິດໄປ”
ເຈັດສາວ L-POP ນັ້ນກໍຄື MVIIZ (ເອັມວີສ) ໄດ້ກັບມາສ້າງສີສັນໃຫ້ວົງການເພງລາວອີກຄັ້ງ ຫຼັງຈາກທີ່ຫ່າງຫາຍໄປດົນ, ດ້ວຍການປ່ອຍເພງໃໝ່ຫຼ້າສຸດທີ່ມີຊື່ວ່າ “ສຳຄັນຕົວເອງຜິດໄປ”. ເພງນີ້ຖືເປັນເພງທີ 4 ຂອງພວກເຂົາ ເຊິ່ງຄາດວ່າຈະໄດ້ຮັບການຕອບຮັບຢ່າງດີຈາກແຟນເພງ.
ເພງ “ສຳຄັນຕົວເອງຜິດໄປ” ມາພ້ອມກັບເນື້ອຫາທີ່ກິນໃຈ ແລະ ໂດນໃຈຄົນທີ່ເຄີຍມີປະສົບການຮັກໝູ່ພຽງຝ່າຍດຽວ. ດ້ວຍທຳນອງທີ່ຊຶ້ງ, ແຕ່ກໍຍັງຄົງຄວາມເປັນປັອບສົດໃສ, ເພງນີ້ໄດ້ຖ່າຍທອດຄວາມຮູ້ສຶກສັບສົນ ແລະ ເຈັບປວດຈາກການທີ່ເຮົາຄິດໄປເອງວ່າຄວາມສຳພັນນັ້ນສຳຄັນກວ່າຄວາມເປັນໝູ່, ແຕ່ສຸດທ້າຍກໍພົບວ່າເປັນພຽງຄວາມຄິດທີ່ສຳຄັນຕົວເອງຜິດໄປ. ຕອນນີ້ສາມາດຟັງເພງນີ້ໄດ້ແລ້ວໃນທຸກສະຕຣີມມິງແພລດຟອມ.
ນອກຈາກເພງທີ່ປ່ອຍລົງໃນສະຕຣີມມິງແລ້ວ, MVIIZ ຍັງມີແຜນຈະປ່ອຍຜົນງານຕໍ່ເນື່ອງໃຫ້ແຟນເພງໄດ້ຕິດຕາມຢ່າງໃກ້ຊິດ ບໍ່ວ່າຈະເປັນ
- Visualizer Music Video: ກຳນົດປ່ອຍວັນທີ 30 ກັນຍາ 2025.
- ຮູບເງົາສັ້ນ “A Little Kindness”: ກຳນົດປ່ອຍວັນທີ 7 ຕຸລາ 2025.
- Music Video ຕົ້ນສະບັບ: ກຳນົດປ່ອຍວັນທີ 10 ຕຸລາ 2025.
ກ່ອນໜ້ານີ້, MVIIZ ໄດ້ສ້າງຊື່ສຽງມາແລ້ວຈາກ 3 ຜົນງານເພງ ປະກອບດ້ວຍ “Gen Z” ເພງເປີດຕົວທີ່ສະແດງເຖິງເອກະລັກຂອງກຸ່ມ, “Yes or No” ແລະ “ຫວານ”.
ການກັບມາຄັ້ງນີ້ຂອງ MVIIZ ຖືວ່າເປັນການບອກໃຫ້ຮູ້ວ່າພວກເຂົາພ້ອມແລ້ວທີ່ຈະສືບຕໍ່ສ້າງຜົນງານໃນເສັ້ນທາງ L-POP ໃຫ້ມີຄວາມໂດດເດັ່ນຍິ່ງຂຶ້ນ. ແຟນໆ ຢ່າລືມກົດຕິດຕາມ ແລະ ໃຫ້ກຳລັງໃຈພວກເຂົາໃນຜົນງານໃໝ່ໆທີ່ຈະອອກມາໃນໄວໆນີ້.
ຟັງເພງ ສຳຄັນຕົວເອງຜິດ ໄດ້ທີ່: