ເປີດໂຕ MONII ສາວນ້ອຍມະຫັດສະຈັນຈາກປາກເຊ ກຽມແຈ້ງເກີດເປັນສິລະປິນໃໝ່
Highlights
- ເປີດໂຕ MONII (ມອນນີ້) ສາວນ້ອຍມະຫັດສະຈັນຈາກປາກເຊ ທີ່ມາພ້ອມຄວາມສາມາດທັງການຮ້ອງ ແລະ ແຣັບແບບຈັດເຕັມ.
- ຈາກໄວຣັລສູ່ສິລະປິນມືອາຊີບທີ່ໃຜເຫັນໜ້າກໍຕ້ອງຮ້ອງອໍ ເພາະເຄີຍສ້າງປາກົດການຄວາມຮ້ອນແຮງມາແລ້ວຫຼາຍຄັ້ງ.
- ກຽມແຈ້ງເກີດຢ່າງເປັນທາງການກັບຄ້າຍ A-Modeling And Advertising ຜູ້ຢູ່ເບື້ອງຫຼັງຄວາມສຳເລັດຂອງສິລະປິນລະດັບແຖວໜ້າຄື JENNY BELLA.
ນາທີນີ້ຕ້ອງຫຼີກທາງໃຫ້ຄວາມຮ້ອນແຮງຂອງ MONII (ມອນນີ້) ສາວນ້ອຍທີ່ມີຂອງດີ ແລະ ຄວາມສາມາດເຕັມໂຕ ເຊິ່ງລາວແມ່ນສາວລາວໃຕ້ ຈາກເມືອງປາກເຊ ແຂວງຈຳປາສັກ ນັ້ນເອງ. ມ່ວນອັບເດດ ຂໍບອກເລີຍວ່າລາວບໍ່ໄດ້ມາຫຼິ້ນໆ ເພາະ ມອນນີ້ ກຳລັງຈະໄດ້ເດບິວ (Debut) ໃນຖານະນັກຮ້ອງ ແລະ ແຣັບເປີສາວໜ້າໃໝ່ຈາກຄ້າຍ A-Modeling And Advertising.
ຫຼາຍຄົນອາດຈະຄຸ້ນໜ້າຄຸ້ນຕາກັນດີ ເພາະລາວເຄີຍສ້າງປາກົດການເປັນກະແສໂດ່ງດັງໃນໂລກອອນລາຍມາແລ້ວຫຼາຍຄັ້ງ ແລະ ຖ້າ ມອນນີ້ ໄດ້ເຜີຍໂສມໜ້າມາຮັບຮອງວ່າທຸກຄົນຕ້ອງຮ້ອງ ອໍ~ ເພາະເຄີຍເຫັນຜ່ານຕາ ແລະ ຍອມຮັບໃນຄວາມສາມາດທີ່ເກີນອາຍຸຂອງລາວຢ່າງແນ່ນອນ.
ເພາະ ມອນນີ້ ນັ້ນມີສະເໜ່ ແລະ ທັກສະການ ຮ້ອງ-ແຣັບ ທີ່ເປັນເອກະລັກ ຈຶ່ງບໍ່ແປກໃຈເລີຍທີ່ລາວຈະໄດ້ຮັບໂອກາດຄັ້ງໃຫຍ່ໃນການເປີດໂຕເປັນສິລະປິນພາຍໃຕ້ສັງກັດ A-Modeling And Advertising ໃນໄວໆນີ້.
ໃນສ່ວນຕົ້ນສັງກັດຄື A-Modeling And Advertising ແມ່ນຜູ້ຢູ່ເບື້ອງຫຼັງ ແລະ ປັ້ນສິລະປິນນ້ຳດີທີ່ມີຄວາມສາມາດຄື JENNY BELLA ແລະ ສິລະປິນຄຸນນະພາບທີ່ມີຊື່ສຽງອີກຫຼາຍຄົນມາກ່ອນ. ນີ້ຈຶ່ງເປັນສິ່ງທີ່ສາມາດຢືນຢັນໄດ້ເລີຍວ່າ ມອນນີ້ ຄືເພັດເມັດງາມທີ່ກຳລັງຈະໄດ້ຮັບການເຈຍລະໄນໃຫ້ສ່ອງແສງກວ່າເກົ່າ.
ຕິດຕາມ ແລະ ລໍຖ້າເບິ່ງນຳກັນວ່າ ສາວນ້ອຍມະຫັດສະຈັນຈາກປາກເຊຄົນນີ້ ຈະມາວາດລວດລາຍ ແລະ ສ້າງຄວາມຕື່ນເຕັ້ນໃຫ້ກັບວົງການເພງລາວເຮົາໃນຮູບແບບໃດແດ່.
ສາມາດຕິດຕາມ MONII (ມອນນີ້) ໄດ້ທີ່ຊ່ອງທາງ:
- Website: www.moniiofficial.com
- Facebook: MONII
- Instagram: moniiworldofficial
- Youtube: MONII
- TikTok: MONII
- Twitter: MONII