ຢາກໃຫ້ລົມຊ່ວຍພັດເຈົ້າມາ ປະໂຫຍກອ້ອນວອນຂອງຄົນທີ່ຍັງບໍ່ລືມ ຟັງເພງ “ວອນສາຍລົມ” ຈາກ GX2
“ພຽງຢາກຈະຂໍ ໃຫ້ລົມຊ່ວຍພັດເຈົ້າມາ”
ອາກາດເຢັນໆກັບລົມພັດຜ່ານມາເຮັດໃຫ້ເຮົາຄິດຮອດຄົນຮັກເກົ່າ, ມື້ນີ້ມ່ວນເລີຍຈະມາແນະນຳເພງໃໝ່ ຂອງສິນລະປິນ GX2 (P’Good Tslt) ເຈົ້າຂອງຜົນງານເພງດັງຂ້າມປະເທດ “ໃສ່ໃຈໄດ້ແຕ່ມອງ” ຖືວ່າເປັນຕຳນານເພງຮິດຂອງຄົນລາວ.
ເຊິ່ງຕອນນີ້ຍອດວິວກໍໃກ້ຈະທະລຸ 200 ລ້ານວິວແລ້ວ ແລະ ຫຼ້າສຸດໃນວັນທີ່ 8 ກັນຍາ 2024, GX2 ກໍໄດ້ປ່ອຍຜົນງານເພງໃໝ່ອອກມາຄື “ວອນສາຍລົມ”.
ໂດຍເນື້ອເພງ “ວອນສາຍລົມ” ເວົ້າເຖິງການທີ່ເຮົາຄິດຮອດຄອງຄອຍຖ້າຄົນຮັກທີ່ເລີກກັນໄປແລ້ວ, ເຖິງສິພະຍາຍາມລືມເທົ່າໃດກໍລືມບໍ່ໄດ້ເຮັດໃຫ້ຕ້ອງອ້ອນວອນໃຫ້ສາຍລົມພັດກັບມາ, ເຊິ່ງຈັງຫວະເພງຈະເນີບໆເລື້ອຍໆປະສານກັບສຽງເປຍໂນຊຶ້ງໆຊວນໃຫ້ເຄີ້ມຕາມຈົນເຮີດພຸ້ນລະ.
ສຳລັບສະຖານທີ່ຖ່າຍທຳໃນເອັມວີແມ່ນຢູ່ທີ່ ຕາດເຍືອງ ເມືອງປາກຊ່ອງ ແຂວງຈຳປາສັກ, ເພງຊື້ງໆກັບທຳມະຊາດພູຜາປ່າໄມ້ທີ່ສວຍງາມຂອງທາງພາກໃຕ້ເຮົາເຮັດໃຫ້ອາລົມເພງ ແລະ ພາບປະກອບເຂົ້າກັນໄດ້ຢ່າງດີ.
ພາບລວມບັນຍາກາດສະບາຍໆມີໝອກ, ມີຝົນປຽກຊຸ່ມເຮັດໃຫ້ເຫງົາສຸດໆ ແລະ ເພງນີ້ກໍເຮັດໃຫ້ເກີດຄວາມຮູ້ສຶກຕ້ອງການຢາກສົ່ງເພງນີ້ໃຫ້ກັບຄົນນັ້ນ, ແຕ່ມັນຄົງເປັນໄປບໍ່ໄດ້.
ໂດຍ: ທີມບັນນາທິການ Muan