“guncharlie (ກັນ ຊາລີ)” ຫຼື “ກັນ-ເສດຖະພົງ ເອວະສຸກ” ນ້ອງຮ້ອງ-ນັກສະແດງຈາກປະເທດໄທ, ຜູ້ທີ່ເຄີຍເຂົ້າແຂ່ງຂັນໃນລາຍການ The Rapper 2 ເມື່ອ 3 ປີກ່ອນ ແລະໄດ້ເດີນເຂົ້າສູ່ໂລກການສະແດງ ແລະ ກັບຄືນສູ່ການເປັນນັກດົນຕີ, ໂດຍໄດ້ປ່ອຍຊິງເກີ້ນທຳອິດຂອງລາວ “Zero times anything is zero” ໂດຍປັດຈຸບັນສັງກັດຢູ່ທີ່ຄ້າຍ Kicks Records.
ຫຼັງຈາກທີ່ອາລະບໍາທຳອິດ “Like You Never Left” ປະສົບຄວາມສຳເລັດແບບສຸດໆ, ໜຸ່ມ ກັນຊາລີ (guncharlie) ຫຼື ເສດຖະພົງ ເອວະສຸກ ຈາກຄ້າຍ Kicks Records ກໍບໍ່ໃຫ້ແຟນໆໄດ້ຖ້າດົນ! ໄດ້ກັບມາພ້ອມຊິງເກິລທຳອິດຈາກອາລະບໍາທີສອງ ກັບເພງເນື້ອຫາເສົ້າໆ ດົນຕີແນວ Indie Pop / Bedroom Pop ປະສົມກິ່ນອາຍຄວາມເປັນ Alternative ໃນຜົນງານເພງທີ່ມີຊື່ວ່າ “ເຕີບໂຕໂດຍບໍ່ມີຂ້ອຍ (End Of My Turn)” ທີ່ໄດ້ “ແມັກ The Darkest Romance ” ມາຮ່ວມງານນຳອີກຄັ້ງ.
ເປັນເພງທີ່ແຕ່ງຂຶ້ນຈາກຄວາມຮູ້ສຶກຂອງ guncharlie ເລົ່າຄວາມຮູ້ສຶກຂອງຄົນທີ່ຕ້ອງຍອມ “ປ່ອຍ” ຄົນທີ່ຮັກໄປ ເພື່ອໃຫ້ເຂົາໄດ້ໄປຢູ່ໃນບ່ອນທີ່ດີກວ່າ ແລະ ເຕີບໂຕໄດ້ຢ່າງເຕັມທີ່ໃນອ້ອມກອດຂອງຄົນອື່ນ ແລະ ມັນອາດຈະເປັນການສະແດງຄວາມຮັກຄັ້ງສຸດທ້າຍທີ່ເຮັດໃຫ້ໄດ້ຈາກຄົນທີ່ເຄີຍຮັກກັນ.
ເຕີບໂຕໃຫ້ດີ ແລະ ຂ້ອຍຄົນນີ້ ຈະຍິນດີກັບເຈົ້າໃຫ້ໄດ້
ສໍາລັບ MV ເພງນີ້, ຖືເປັນຄັ້ງທຳອິດທີ່ guncharlie ຮັບບົດບາດການສະແດງທີ່ ຈິງຈັງ ສຸດໆ, ເຖິງຂັ້ນ ຈົ່ງໜວດ ຈາກທີ່ບໍ່ເຄີຍເຮັດມາກ່ອນ ເພື່ອ MV ນີ້ໂດຍສະເພາະ! ໃນຕົວຂອງ MV ເລົ່າເຖິງຜູ້ຊາຍຄົນໜຶ່ງທີ່ເລີ່ມຮູ້ສຶກວ່າແຟນກຳລັງ ນອກໃຈ, ລາວເລີຍຕັດສິນໃຈຕາມຫາຄຳຕອບຂອງຄວາມຮູ້ສຶກນັ້ນຈົນໄດ້ເຫັນຄວາມຈິງ. ຈົນສຸດທ້າຍ, ລາວກໍຍອມຮັບ ແລະຕັດສິນໃຈປ່ອຍໃຫ້ແຟນໄປເຕີບໂຕໃນອ້ອມກອດຂອງຄົນອື່ນ
ເຈົ້າດອກໄມ້ທີ່ງົດງາມ ເຖິງເວລາທີ່ຕ້ອງບອກລາ ໃຫ້ເຈົ້າເຕີບໂຕໂດຍບໍ່ມີຂ້ອຍ
ເຊິ່ງຕອນນີ້ທຸກຄົນສາມາດໄປຟັງ “ເຕີບໂຕໂດຍບໍ່ມີຂ້ອຍ” (End Of My Turn)” ໄດ້ແລ້ວໃນທຸກແພລດຟອມສະຕຣີມມິງເພງ ແລະ ສາມາດເບິ່ງ Music Video ໄດ້ແລ້ວທີ່ YouTube: Kicks Records.
