ນຶກເຖິງວັນເວລາທີ່ຈາກໄປກັບຄວາມຮັກທີ່ແສນເຈັບປວດ ຟັງເພງ “ຈາກ” ຮ້ອງໂດຍ J9INE ft BUS TLN
“ແສງດວງດາວຍັງສ່ອງປະກາຍເທິງຟ້າ ນຶກເຖິງວັນທີ່ກ່ອນຈະລາຈາກໄປ
ຫາກຈະຂໍພອນໃຫ້ດາວເທິງຟ້າ ຊ່ວຍໂອບກອດເຈົ້າໃນຄືນທີ່ເສຍໃຈ (ກອດເຈົ້າໄວ້ໃນຄືນທີ່ອ່ອນໄຫວ)”
ເພງເນຶ້ອຫາດີ ແລະ ທຳນອງມ່ວນຫູ, ມ່ວນຈຶ່ງຢາກນຳມາແຊຣ໌ໃຫ້ທຸກຄົນໄດ້ລອງຟັງນຳກັນໃນເພງ “ຈາກ (Depression)” ຮ້ອງໂດຍ J9INE ft. BUS TLN.
ທັງສອງແມ່ນສິລະປິນໜ້າໃໝ່ຈາກ sunflow.official ແລະ ໃຜທີ່ຮູ້ສຶກວ່າກຳລັງເຈັບປວດກັບຄວາມຮັກ ແລະ ກຳລັງເສົ້າຢູ່ຕ້ອງລອງຟັງເພງນີ້ເລີຍເພາະມັນດິ່ງສຸດໆ.
ເນື້ອຫາຂອງເພງແມ່ນໄດ້ເລົ່າເຖິງຄວາມເຈັບປວດທີ່ມັນສຸດທີ່ຈະທໍລະມານຈາກຄົນຮັກເກົ່າ, ເພາະການຕື່ນມາແລ້ວບໍ່ມີເຂົາມັນຍັງເຮັດໃຫ້ຄິດຮອດຢູ່, ມັນຍິ່ງເຮັດໃຫ້ຈື່ສິ່ງທີ່ເຮັດຮ່ວມກັນທັງເຈັບ ແລະ ຕ້ອງທຳໃຈໃຫ້ລືມ.ເພາະການອ້ອນວອນມັນກໍບໍ່ໄດ້ຊ່ວຍຫຍັງເລີຍ.
ໃນສ່ວນເລື່ອງລາວໃນເອັມວີກໍໄດ້ເລົ່າເຖິງຊ່ວງເວລາເກົ່າໆທີ່ມີກັບຄົນຮັກ, ການໄຕ່ລຳດັບພາບເລື່ອງລາວທີ່ສະແດງອອກມາຂອງນັກສະແດງຊາຍເຮັດໃຫ້ເຫັນເລີຍວ່າລາວມີຄວາມສັບສົນ ແລະ ເສຍໃຈຫຼາຍຂະໜາດໃດ.
ໂດຍ: ທີມບັນນາທິການ Muan